Zaaghaft...

von

Zaaghaft, ganz zaaghaft dunggts ys, gspüürt me Fasnacht um ain umme. D Fasnachtsflogge kömme ainzeln vom Himmel und e lyychte, ganz e lyychte Fasnachtsgschmagg schwäbt wider in dr Luft. Im gliebte Basel mache Gugge musikaalisch beglaiteti Spaziergäng und gönne de Fasnachtsfründynne und Fründe s aint oder ander Ständeli - es kunnt wieder Lääbe in d Stadt. Us offene Fänschter und aagläänte Källerdüüre kömme aim meer oder wenyger verwöönendi Piccolo- und Drummelkläng entgääge, wo gluschdig mache uff die drei schöönschte Dääg. Joo, mir hänn s Gfüül, as d Frau Fasnacht zaaghaft vrsuecht uusezfinde, ob sy nägscht Joor wider ka uff Bsuech koo. Mir haisse sy häärzlig willkomme und schnubbere in dr Zyt wo blybt, no e weeneli in dr Basler Fasnachtswält im Museum der Kulturen umme. Vyyl Spass au Dir bim Bsuech!

Zurück