Es fasnächtlet glyy...
von mivob
Soodeli - d Frau Fasnacht kunnt glyy wider um e Egge,
mir mien unseri Goschdyym nümmi im Käller verstegge,
mir entstaube unseri Trumpeete und Piccolo
und üebe mit Schwaissdropfe unseri Staccato.
Mir freuen ys uf die drey scheenschte Dääg,
füülen ys bim Larve aaprobiere richdig zwääg,
straale bi dr Aarbet im Büro wie gstöört,
sinn aber mit de Gedangge neume anderscht - unerhöört!
Dr Kopf isch an dr Fasnacht, bim schränze und Väärsli loose,
bim drummle, Orange wärfe und ins Bässli bloose,
mir gässle, ässe Kääswaiie und dringge e Wyy:
dr Stress im Geschäft isch vergässe - d Fasnacht kunnt glyy!
...und e Bsuech im Fasnachtsmuseum vom Museum der Kulturen macht d Voorfasnachtsfreud grad no gröösser!