D Melancholii isch zrugg

von mivob

S Rädäbäng in de Gasse isch verhallt,

kai Drummle, kai Drumpeete wo no schallt.

S Piccolo liggt wider im Egge und glyy isch dört wieder drinne

d Duurmietere, wo obdachlos gsi ist, die hässig Spinne.

 

D Spinne isch wider zfriide,

findet im Piccolo ire Friide,

nur die vyyle Fasnachtshärz, die bluete

s goot lang bis zer nägschte Fasnacht, ere Guete.

 

Über 300x schloofe mien mir alli,

bis mir wider könne saage 'Sali -'

gäll, de kennsch my nit...'

drum doo e Hiiwyys - e absolute Hit!

 

S Fasnachtsmuseum macht nit Pause,

über 300 Daag sinn nit nur zem grause.

Denn im Museum kasch Fasnachtsgschicht bschtuune

und kunnsch wider uuse mit ere brächdyge Luune.

 

Das Fasnachtsmuseum im Museum der Kulturen.

Donnerstag - Sonntag geöffnet.

Zurück