Museumsnacht

16.01.2019 17:54

Es isch wider sowyt: am Frytig gaischderet halb Basel quer dur alli Gasse! Und nai: es isch ganz sicher nooni Fasnacht...aber e Naase voll Fasancht kasch allewyyl scho nää!

Denn wie unzeelygi Musee z Basel het au s 'Museum der Kulturen' am Frytig sini Door wyt offe und wartet uf e freudig Aastuurm. Und in däm Museum findsch au uns: s Basler Fasnachts-Museum. Wenn Du in Gnuss von ere Fierig wotsch koo, wo dr Felix Rudolf von Rohr perseenlig en Yybligg git, denn kasch draa dailnää am 18:40, 19:40 oder 20:40 Uhr.

Wo au immer Du gwundrig goosch go yynegüggsle: mir wünsche alle begaischderete Museumsfründe e tolle Dibbel dur Ruum & Zyt und dur d Basler Gasse!

Zurück