E scheeni Fasnacht!

11.02.2016 22:30

S Buebeziigli

 

Jetz wimmlet scho die ganzi Strooss

E Buebeziigli ruggt.

S isch glunge, wie in glai und grooss

halt d Basler Fasnacht spuggt.

 

E Biebli het e Junte-n-a

und schlaipft si hintnoo.

Jetzt hänggt em ain e Zeedel draa:

"Y bi d Frau Hoschehoo".

 

Uss alte Rumpelkammre stammt

das schundig glunge Zyg.

Wenn ain in s Vatters Stiifel drampt,

so maint er, was er syg.

 

Und langi Naase hänn si aa

Es gseet fascht gfürchig us.

Und wie die Bandi schreye kaa!

Es isch e woore Gruus.

 

Doch s Drummle goot scho flott und guet

Mit Piccolo drzue.

E-n-alte Babbe lipft sy Huet,

und ain hebbt d Oore zue.

 

 

Dangge an d Anne Keller seelig

Zurück