E Fasnachtsgedicht

12.02.2015 17:13

Küürzer dräte

D Zyt isch koo,
wo me loos mues loo,
wel me s nümm vergrafte maag
zem Byspil am Määndig zem Vierischlaag,
mit em Stägge dr Moorgestraich z verkünde
uf em Martinskiirchblatz ganz rächts hinde.

So nimm i halt zem Voorbild mir dä Maa
uf däm briemte Bild doo nääbedraa:
Y stand vor s Funggekyynoo mit em Bääse
und bi in Gidangge bi däne zigdausig Wääse,
wo iirgednaimen in dr Stadt dien waarte,
zem ändlig in d Faasnacht könne z staarte.

Statt im Glyggelokaal e Glaas Broseggo
git s dehaim in dr Stuuben e Dasse Gaggo.
Esoo bikunsch yydrügglig dr Wandel mit
vo dr Zyt, de Lüt und em aige Schritt.

 ... Doch s Stänzlergoschdüm isch baraat
für myy - e Stund spöötere - Faasnachtsstaart!

Werni z Baasel, 19. Hoornig 2010

 

Zurück